【Emily】「咪嘥盒食店」計劃啟動 外賣可用自備容器
[2023.09.16] 發表
【明報專訊】為咗鼓勵食店同市民從源頭減廢，建立「走塑、走即棄」文化，環保署同環境運動委員會噚日起推出「咪嘥盒食店」計劃。參與計劃嘅食店要畀顧客買外賣時用自備容器，即係餐盒或杯，或者提供可重用容器租借服務，食店會獲發印有「大嘥鬼」個樣嘅「咪嘥盒食店」標貼，貼喺店舖宣傳。
環保署發言人話，計劃由環境及自然保育基金贊助，全年接受申請，費用全免，已有超過250間食店率先加入，部分更加為自備容器嘅顧客提供即時優惠。
想支持減廢嘅市民，可以喺計劃專題網站(bit.ly/3RkntNB)搵到食店名單同地址等資料。
更多港聞
【Emily】迪士尼Halloween今開鑼 有惡人舞會
【明報專訊】「香港夜繽紛」其中一項焦點活動就係兩大主題樂園嘅萬聖節活動，香港迪士尼樂園噚日就公布由今日到10月31日推出「Disney Ha... 詳情
相關新聞
