【Emily】倡郵輪碼頭搞夜市 李鎮強話可整浮橋接駁
[2023.08.21] 發表
【明報專訊】通關後唔少港人會喺假日北上消費，前日(19日)係港鐵「感謝日」，搭車去羅湖及落馬洲都有車費半價優惠，據入境處最新出入境數據，上周六經羅湖及落馬洲支線北上嘅港人創通關以來新高，合共18.3萬人次。計埋其他關口、機場同港澳碼頭等，上周六共有35.6萬人次出境。
對於訪港旅客人數未回復至新冠疫情前水平，政府話要搞夜市提振經濟，支持搞夜市嘅立法會議員李鎮強接受另一議員鄧家彪嘅網上節目訪問時話，最有條件嘅地方係西九文化區同海濱，仲有郵輪碼頭，但要諗方法點樣令碼頭交通便利，指如果有心搞，大可以整條浮橋接駁，等市民可以從觀塘海濱長廊行過去，又或用接駁船。
李鎮強話香港以前係不夜城，𠵱家9點左右已經水靜鵝飛，旅客到港都冇動力過夜消費；指夜市最緊要係有打卡點，好似銅鑼灣避風塘有火龍飾物(舞火龍裝置)，可惜未有將呢件事變成經濟動力。佢仲話夜市可以有唔同形式，但必須平衡民居、燈光、衛生等問題。
更多港聞
【明報專訊】國家主席習近平上個月回信香港學生，叮囑港生要「深刻認識世界發展大勢，深入了解祖國的歷史文化與現實國情」，之前政府及政團為此搞咗唔...
詳情
【Emily】房委會盃三人籃球賽 何永賢有進帳
【明報專訊】香港房屋委員會慶祝成立50周年，噚日喺葵涌石籬（二）邨嘅籃球場舉行「房委會盃」三人籃球挑戰賽，房屋局長何永賢、副局長戴尚誠同新上... 詳情相關新聞
