【Emily】立會商「限膠」 環署改口風 議員「成功爭取」蛋糕裝飾豁免
[2023.06.24] 發表
【明報專訊】政府計劃最快今年分階段管制即棄餐具及其他塑膠物品，之前唔少立法會議員針對唔同嘅即棄膠產品提問，甚至質疑當局點解要禁售或禁派，噚日立法會相關法案委員會再開會討論，似乎議員都階段性「成功爭取」。環保署代表喺會上話，將容許膠手套繼續銷售，同時將蛋糕裝飾喺管制名單中剔除。換言之，日後蛋糕可以保留膠製生日牌等，唔受管制。
新民黨陳家佩之前關注過，蛋糕底托、包裝外圍嘅膠繩等係咪受規管，當時政府官員講明唔喺管制範圍，因主要想規管蛋糕面上嘅塑膠裝飾。不過，環境保護署副署長(減廢)陸嘉健噚日轉口風話，「蛋糕上嘅裝飾都要睇睇委員意見，覺得唔係好有必要管制，(所以)準備建議產品喺列表中剔除」。
膠手套擬准賣唔准派
至於同受議員關注嘅即棄膠手套，當局由原本禁止銷售同免費派發，就會放寬為禁止免費派發。陸嘉健話，「本來禁止銷售及免費派發膠手套，但聽取委員幾次意見後，第一個覺得可以放寬都係膠手套問題，可能今日生活上都有用途，而且無完全替代品」。
翻查資料，今年3月會議上，委員陳凱欣就曾經質疑非手術用膠手套日常會用嚟整蛋糕，食肆員工都用到，質疑當局有咩替代品，當時陸嘉健話替代品係「藍色醫療用嗰種」，令委員嘩然。
更多港聞
【Emily】迪士尼「玩轉夏日」 可拎埋水槍去「特訓」
【明報專訊】香港迪士尼樂園公布，即日起至9月3日推出一系列「玩轉夏日」主題活動，遊客可以帶埋嬉水玩具，去到園區內接受玩具士兵反斗特訓（圖一）... 詳情
【明報專訊】政府、公私營機構都會喺7月1日回歸26周年推出多項活動同優惠，港鐵噚日就宣布，為迎接香港特別行政區成立26周年，將會喺7月1日抽...
詳情
【明報專訊】立法會將喺7月5日恢復二讀改革區議會嘅條例草案，政府仍未宣布來屆區選幾時舉行，不過選舉事務處就開始「2023年區議會一般選舉」多...
詳情
【明報專訊】今年書展會喺下月19日至25日（周三至周二）舉行，主辦機構貿發局暫時未正式公布細節，例如今年嘅年度主題、星級講者等，不過有眼利嘅...
詳情
相關新聞
