【Emily】區選擬年底搞 未有期先招標
[2023.06.24] 發表
【明報專訊】立法會將喺7月5日恢復二讀改革區議會嘅條例草案，政府仍未宣布來屆區選幾時舉行，不過選舉事務處就開始「2023年區議會一般選舉」多項服務招標，包括運送同收集選舉物資、為票站提供臨時電話同傳真服務等。
選舉事務處正就今年區選3項服務招標，包括提供運輸服務，將家具、設備同投票箱等選舉物資包裝，再運送到票站及後勤補給站；由票站及後勤補給站收集選舉物資，並提供運輸、分類同暫存服務；為票站、後勤補給站、選票分流站等提供臨時電話同傳真服務。3個招標項目分別8月初至8月中截止入標。
現屆區議會任期今年結束，政府表示計劃今年底舉行區議會選舉，期望新一屆區議員可以喺明年1月1日就職。
更多港聞
【明報專訊】今年書展會喺下月19日至25日（周三至周二）舉行，主辦機構貿發局暫時未正式公布細節，例如今年嘅年度主題、星級講者等，不過有眼利嘅...
詳情
相關新聞
