【Emily】蝴蝶品種18年高 出沒變化見生態隱憂

青園粉蝶（綠色力量提供）

白襯安灰蝶（綠色力量提供）

珍灰蝶（綠色力量提供）

【明報專訊】環保團體綠色力量公布最新「節氣觀蝶調查」，本港蝴蝶物種創18年新高！佢哋喺城門郊野公園同大埔滘自然護理區兩個蝴蝶熱點，錄得自調查以來最多蝴蝶物種，共128種，高過過去17年平均值9%；蝴蝶個體就有超過4800隻。然而，調查發現近年蝴蝶物種、數量、出沒模式都有明顯改變，估計係受全球暖化影響，預計長遠對本地整體生態不利。

暖化影響傳粉 鳥類哺乳類恐受害

調查喺舊年2月立春至今年1月大寒共24個節氣進行。綠色力量助理高級教育及項目經理游靜賢話，首次錄得嘅4種蝴蝶係青園粉蝶、白襯安灰蝶、珍灰蝶、娜生灰蝶；頭3種係香港近年新記錄物種，屬熱帶地區蝴蝶。游相信因全球暖化，香港多咗原屬熱帶地區嘅蝴蝶。

蝴蝶出沒周期都有唔同，游話香港5種嘅常見鳳蝶巴黎翠鳳蝶、玉斑鳳蝶、玉帶鳳蝶、美鳳蝶、藍鳳蝶以往嘅出沒規律穩定，喺春分、芒種、霜降都會錄得大量個體，但近5年整個春季氣溫都較往常和暖，酷熱天氣亦提前襲港，令鳳蝶數量趨向平均。游仲話，以花蜜為食嘅鳳蝶一直係本地植物重要傳粉者，但以佢所見，啲喺盛夏開花嘅植物嘅花期無明顯變化，所以呢啲植物開花時，少咗嘅鳳蝶會令植物成功傳粉同結果嘅機會減少，最終可能影響食果實嘅鳥類同哺乳類動物。

更多港聞

【Emily】梁美芬叫錯梁君彥「主人」

【明報專訊】立法會不時有議員口快快講錯嘢，有時叫錯人名、讀錯成語，而噚日立法會續會上，梁美芬喺發言結尾時，將「主席，本人謹此陳辭」讀成「主人... 詳情

【Emily】「藝術@維港」明年擬再辦

【明報專訊】維港「孖鴨」吸引唔少人去打卡，文體旅局長楊潤雄話前日喺立法會，議員都關注呢個熱潮，仲問水上藝術裝置嘅情况同發展。佢透露康文署舊年... 詳情

【Emily】蠔涌大樓智障者宿舍啟用

【明報專訊】由西貢中心小學改建嘅蠔涌服務大樓陸續落成，服務嚴重智障者嘅靈實蠔涌日間活動中心暨宿舍本月開始服務。身兼基督教靈實協會行政總裁嘅行... 詳情

【Emily】明報頒ESG大獎 許正宇主禮

【明報專訊】《明報》首屆「環境、社會及企業管治（ESG）大獎」頒獎典禮昨圓滿舉行，獲財經事務及庫務局長許正宇擔任主禮嘉賓並致辭。今次「環境、... 詳情

八大內地生7年增35% 非本地生同期升32％

【明報專訊】政府統計處昨出版的《香港統計月刊》，刊出有關8間資助大學統計的專題文章，稱加強國際化及與內地連繫乃八大發展重點之一，數據顯示，教... 詳情