【Emily】辭任港鐵 盼專注立會 江玉歡話發言或更自由
[2023.06.15] 發表
【明報專訊】立法會選委界別議員江玉歡(Doreen，圖)去年加入港鐵擔任法律主管(物業)，任職未滿一年，佢向Emily透露近日已經辭職，之後會轉番私人執業。Doreen話希望投入更多時間喺議會工作，又話「可能有啲嘢可以講得自由啲」，但強調同港鐵合作愉快，「完全唔係有任何唔開心，只不過人各有志」。
Doreen去年8月加入港鐵，主管旗下物業法律事務，佢話近日已經辭職，具體離職日子仍待商討。佢解釋，立法會議員任期尚餘大約兩年半(至2025年尾)，時間唔多，希望專注議會工作，投放更多時間喺立法會。
改私人執業 強調非不歡而散
Doreen又話辭職後發言將更自由，「可能有啲嘢可以講得自由啲，例如房屋、發展、大廈管理，都係我好關注，希望私人執業後自由度大啲」。不過，佢否認身負港鐵職務影響佢發聲，強調同公司關係好，上司及董事亦明白其議員角色，支持佢嘅工作，辭職並非不歡而散。
被問到港鐵有否挽留，Doreen未有回應，佢暫時亦唔考慮以其他方式同港鐵合作。佢話將轉回私人執業，相信時間上會更自由。
更多港聞
【明報專訊】競爭事務委員會噚日舉行傳媒簡介會，表示過去幾年不時接到關於「操控轉售價格」嘅查詢同投訴，當中涉及食品及雜貨、美容及個人護理、家庭...
詳情
【Emily】港交所上市23周年敲鑼 財爺「先跌後升」
【明報專訊】香港交易所噚日喺港交所香港金融大會堂舉行儀式，慶祝港交所上市23周年，邀請到財政司長陳茂波任嘉賓。活動開始時大會請財爺上台，財爺... 詳情
【明報專訊】世界衛生組織喺2019年將電子遊戲上癮列為精神疾病，立法會選委界別議員陳沛良關注政府會唔會推出防止青少年打機上癮嘅措施，例如規定...
詳情
【明報專訊】香港鄉郊不時有蛇出沒，民建聯新界東南議員李世榮喺立法會大會提出書面質詢，關注政府相關工作，又問如果市民喺非緊急情况發現有蛇出沒，...
詳情
相關新聞
