【Emily】樂見竹篙灣隔離設施「執笠」 「糟糕灣」變「竹大」 卓孝業感受多
[2023.03.02] 發表
【明報專訊】竹篙灣隔離設施完成任務，負責營運嘅民安隊噚日舉行關閉儀式，主禮嘅副保安局長卓孝業對竹篙灣「執笠」非常開心，又多謝各位有名無名英雄，為保障香港呢個家作出嘅貢獻。卓孝業亦多謝隔離者，提到職員會叫佢哋做「VIP」，原本以為解「Virus-Infected Person(受感染者)」，原來係「Very Important Person(十分重要人士)」，因為即使竹篙灣唔係好嘅設施，市民到新冠疫情後期仲肯自願隔離，放棄自由、為防疫犧牲自己。
卓孝業又講起佢啱啱上任時，網民叫竹篙灣做「糟糕灣」，更有人前往隔離期間從車上逃走；但𠵱家竹篙灣已成為「竹大」，網民話入住就似「深造」，亦有人主動想去隔離。佢話印證咗「萬眾一心，無事不可成」，又多謝各政府部門同提供服務嘅持份者。
兩年7個月共服務27萬人次
竹篙灣設施於2020年7月啟用，用作畀密切接觸者檢疫，後來擴展到9740個單位，最多容納2.1萬人，總共服務27萬人次。其中一個高峰係2022年12月，整體入住率達九成。民安處總參事梁冠康話，喺兩年7個月嘅運作中，民安隊總動員逾34萬人次。
另外，醫療輔助隊總參事黃英強話，過去3年出動1500名志願隊員，執行14萬個抗疫更份，總時數達130萬小時；又指隨住疫情減退，社會逐漸復常，抗疫工作嘅「歷史任務」告一段落，噚日聯同總監林文健一同將總部控制室電視屏幕關上，標誌着疫情工作正式完結。
更多港聞
【Emily】防癌會花4年製手冊 陪病人及照顧者同行
【明報專訊】當親人患癌，唔少家人作為照顧者都會感到束手無策，有見坊間資訊零散，香港防癌會花咗4年籌備同編寫咗《「走過驚濤駭浪」癌症病人照顧者... 詳情
【Emily】民記議員上深圳 試坐新能源「雲巴」
【明報專訊】全國兩會即將喺北京舉行，唔少人要北上，立法會因而休會，唔少議員就趁唔使開會外訪。民建聯多名立法會議員，同九巴代表噚日去咗深圳比亞... 詳情
【明報專訊】本港中學文憑試（DSE）考生可經「2023/24學年內地高校招收香港中學文憑考試學生計劃」報讀132間內地院校。申請人須於3月1...
詳情
【明報專訊】教育局近日宣布，向每間公營小學及直資小學發放一筆過20萬元的家長教育津貼，以協助學校啟動有系統的校本家長教育課程或活動。學校可在...
詳情
相關新聞
