【Emily】喵坊、東瀛遊助收援土賑災物資 領事館稱衣物限收全新
[2023.02.10] 發表
【明報專訊】土耳其周一發生7.8級地震，除咗香港政府派搜救隊到當地，民間亦積極賑災。回收紙包飲品盒公司「喵坊Mil Mill」宣布，今明兩日會收集市民捐贈嘅禦寒衣物，再送往當地災區，亦有區議員響應代收。帖文一出，好多網民即刻轉發信息，但發生咗「小蝦碌」，直到噚晚喵坊澄清，話土耳其駐港總領事館只會收全新嘅衣物。
喵坊今明兩日喺各區設收集點，據噚日嘅facebook帖文附圖，深水埗街坊福利會嘅收集點今晚7至10點開放，太古、沙田、荃灣、元朗站點會喺聽日下晝開放。有關回收點嘅地點及開放時間等資訊，喵坊提醒市民留意佢哋facebook嘅更新。
民主派荃灣區議員劉卓裕響應喵坊呼籲，今日下晝會喺荃灣港鐵站外收集禦寒衣物。東瀛遊就由今日早上11點至嚟緊周日(12日)晚上7點，開放銅鑼灣、沙田、旺角3間分行收集物資，所有物資會轉交領事館送往災區。市民亦可以喺下星期一晚之前，自行將物資送到領事館設於葵涌嘅指定物流貨倉。
港59人搜救隊抵土南災區
至於政府派出嘅59人搜救隊，噚日到咗土耳其伊斯坦布爾機場，再轉機去該國南部阿達納(Adana)嘅地震災區，協助搜救工作，一眾隊員喺當地機場聽取指揮官就搜救工作嘅指示，又同外國嘅搜救隊交流。
更多港聞
【明報專訊】個人資料私隱專員公署舊年9月設立「個人資料防騙熱線」，接收懷疑誘騙個人資料嘅查詢或投訴。私隱專員鍾麗玲噚日總結2022年工作時話...
詳情
【Emily】民署18區設支援站 助填北上健康申報
【明報專訊】香港同內地周一（6日）起恢復全面通關，市民入境內地時仍要喺網上做健康申報，拎住個「黑碼」先可以過關，但就難倒唔少長者同埋唔熟悉科... 詳情
【Emily】美心月餅智能生產線 「再工業化」資助1500萬
【明報專訊】食品製造同加工愈嚟愈講求自動化，創新科技署嘅「再工業化資助計劃」噚日向美心集團旗下嘅公司，批出生產月餅產品嘅全新智能生產線項目，... 詳情
【Emily】洪雯家傳「奇女子」擺設 港舖見「失散80年妹妹」
【明報專訊】立法會選委會界別議員洪雯（Wendy）係貴州人，早排過年時佢回鄉探親，搵番幾件家中小物懷緬吓，當中提到佢細個見過嘅一個「奇醜無比... 詳情
【明報專訊】Emily噚日報道，婦女基金會董事何苗春暉批評「你好，香港！」啟動禮主禮嘉賓係全男班。立法會議員江玉歡（Doreen）噚日喺fa...
詳情
相關新聞
