【Emily】市局現金津貼 招募當區失業者 清潔隊為兼善里洗邋遢 惠及1400戶
[2023.01.24] 發表
【明報專訊】市建局行政總監韋志成噚日發表網誌，提到佢趁農曆新年前夕去深水埗「兼善里／福華街發展項目」(兼善里項目)，了解市建局伙拍地區組織做嘅歲晚大掃除行動。佢哋招募咗逾80名住喺項目範圍或深水埗內、失業或開工不足嘅居民，做清潔隊成員，完成服務後可獲發現金津貼。行動主要為項目內衛生環境較差嘅樓宇，全面清潔樓梯、走廊同天台等公用地方，安裝照明系統，幫有需要嘅住戶洗邋遢等，呢啲服務料惠及1400多個家庭。
韋志成話，清潔隊成員嘅努力唔會白費，新年後，市建局團隊同地區組織將喺區內加強宣傳，包括於樓宇當眼位置張貼特別設計告示，提醒居民保持公用地方整潔；並與區議員合作，喺每個樓層嘅特定位置加設大型垃圾桶，畀居民棄置垃圾，方便清潔工人統一收集，提升效率。
更多港聞
相關新聞
