【Emily】星官透露：李家超係榴槤粉絲
[2022.12.16] 發表
【明報專訊】特首李家超除有練氣功外，外界對佢興趣所知唔算太多。新加坡文化、社區同青年部長唐振輝前日喺香港主辦亞洲文化合作論壇期間同李家超閒聊，透露李家超係「榴槤粉絲」(fan of durian)，唐振輝話𠵱家榴槤當造，歡迎佢訪問新加坡。本身係新加坡律政部第二部長嘅唐振輝，喺今次行程見咗唔少法律界，例如噚日見咗大律師公會主席杜淦堃。
民調：李評分47.1分 比9月微升
另外，中大香港亞太研究所噚日公布最新民調，特首李家超嘅評分有47.1分(100滿分計)，比起9月微升咗0.6分，而細睇數據有4%人評李家超表現0分，1.6%人就評100分滿分。
有23.2%受訪者滿意特區政府表現，27.5%受訪者就話唔滿意，比起9月嘅民調結果分別微升0.5及下跌4.9個百分點。
另外，喺3名司長嘅評分中，財政司長陳茂波拎到48.5分，喺3名司長中最高分，亦比9月時上升咗0.9分；政務司長陳國基評分就有42.6分，升1.7分。至於律政司長林定國評分比9月就微跌0.4分到43分。
更多港聞
【Emily】《提子動畫廊》繪本派小學 宣傳防騙
【明報專訊】今年頭三季嘅詐騙案有19,444宗，比去年同期升咗約四成。警察公共關係部7月以「提子」呢個角色製作咗《提子動畫廊》嘅影片，仲整埋... 詳情
【明報專訊】港大法律學院早前獲2020年去世嘅知名律師黃乾亨創立基金捐款1億，為答謝支持，演講廳及中國法研究中心同以黃老先生命名。黃乾亨阿仔...
詳情
8準則管教師 發粗言帖文收譴責 違指引者嚴重可釘牌 蔡若蓮：勿以為社交平台是私人空間
【明報專訊】教育局昨推出《教師專業操守指引》，列8項教師專業操守準則，以及其相應「應該」和「不應該」的行為。指引亦附有11宗被懲處的個案，有... 詳情
【明報專訊】新推出的《教師專業操守指引》列明多項教師「應該」和「不應」做的行為。教育局長蔡若蓮昨稱，指引中的8項教師專業操守準則不會改變，但...
詳情
被匿名投訴出席集會 收警告信教師求職屢碰壁 嘆如釘牌
【明報專訊】涉教師失德的投訴於2019年反修例運動起湧現，截至今年6月，7名教師被釘牌，56人收譴責信、67人收警告信。陳老師（化名）今年5... 詳情相關新聞
