【Emily】無搞3年 周日復辦 單車節5000人踩 要核酸加快測
[2022.12.14] 發表
【明報專訊】已經無搞3年嘅「香港單車節」喺嚟緊嘅星期日(18日)舉行，約5000人參加，超過2000人係第一次落場玩。雖然政府取消咗「安心出行」，但參加者都要打齊3針新冠疫苗、符合「藍碼」要求，仲要按要求做齊核酸檢測同快速檢測。參加者先要喺今個周五、周六嘅指定時段內，到中環9號碼頭或尖沙嘴文化中心露天廣場做核酸檢測，到時拎埋選手包，入面有單車衫、活動手帶同快速檢測包等物資，單車節當日要出示12個鐘頭內嘅快測陰性結果，踩單車前後都要戴番好口罩。
單車節會有六大項目，包括50公里同30公里組嘅「非競賽項目」、計時賽、名人單車遊等，單車路線會由尖沙嘴出發，途經青馬大橋、南灣隧道同昂船洲大橋等。大會將採用「流水式」起步，所以呼籲參加者預早90分鐘到場。
籲早90分鐘到場 注意保暖
活動當日凌晨1點起會實施分階段封路安排，除咗尖沙嘴部分路段之外，其他主要道路會喺上晝11點或之前解封。大會預計活動當日天氣會轉涼，提醒參加者要注意保暖，建議大家著緊身外套、保暖手袖同腳袖等服飾。
更多港聞
【明報專訊】世界盃步入尾聲，立法會行政管理委員會就同意恢復足球隊，周五（16日）截止報名，下周一（19日）互選召集人做球隊經理。出任過球隊隊...
詳情
【Emily】19單頭議員組「G19」 成立4小組
【明報專訊】今屆立法會有90個議席，除咗傳統政黨議員以外，多咗唔少多無政黨或政團背景嘅「單頭議員」，以前由建制派班長廖長江、保險界陳健波等6... 詳情
【Emily】立會委會傾推動國教 劉智鵬變番嶺大副校
【明報專訊】立法會教育事務委員會研究推動國民及國安教育小組委員會噚日開會，教育局同埋各院校代表都有出席。平日用委員身分出席嘅立法會議員劉智鵬... 詳情
【Emily】警紅隧口大海報 「你今日畀人呃咗未？」
【明報專訊】之前警方喺多條隧道播放防騙廣播，最近又搞搞新意思。Emily噚日坐車經過紅隧港島入口，見到一幅超巨海報（圖），寫住「你今日畀人呃... 詳情
【明報專訊】政府噚日宣布市民今日起唔使再掃描「安心出行」二維碼。香港桌球「一哥」傅家俊（Marco）早前曾經教其他外國來港球手用安心出行Ap...
詳情
相關新聞
