【Emily】世盃各有心水 議員各說淵源
[2022.11.21] 發表
【明報專訊】四年一度嘅世界盃開鑼，唔少立法會議員都係足球迷，紛紛分享自己嘅心水球隊。其中民建聯顏汶羽話，由1994年開始一直支持巴西隊，計劃同囝囝一齊睇波。至於勞聯林振昇就支持阿根廷，仲分享2002年去日本睇世界盃嘅舊相緬懷一番，不過佢當時著住印有葡萄牙英文字樣嘅衫睇波，自言「身穿葡萄牙心在阿」。
父送球衣 顏汶羽撐森巴足球
顏汶羽喺facebook上載同囝囝一齊著住巴西球衣嘅合照，憶述1994年自己年僅8歲，爸爸送咗一套巴西球衣畀佢，至今一直支持巴西隊，形容森巴足球代表快樂，每個巴西人都好享受足球。至於林振昇就係阿根廷擁躉，佢喺fb分享2002年特登買咗世界盃16強賽事門票，一心預計阿根廷可以順利出線，對戰有施丹等球星在陣嘅法國隊，點知兩隊同樣大熱倒灶喺分組賽出局。佢話雖然該場賽事變成瑞典對塞內加爾，但賽後球迷大跳非洲舞，氣氛熱鬧，認為都算值回票價。
莫乃光：剝削外勞 拒畀錢睇波
立法會前議員莫乃光就批評，今屆世界盃出現剝削外勞等問題，所以唔會畀錢睇波。佢趁機分享2006年世界盃時，已留意到香港互聯網流量與當年世盃賽事嘅關係，而當年觀看方法(無論認可或其他方法)與今日都不同，但仍記得晚晚半夜開波時，睇住HKIX(香港互聯網交換中心)流量就爆升，「心中有數」。
更多港聞
【Emily】未見與「徒弟」合照 方國珊拉banner百萬行直播
【明報專訊】公益金新界區百萬行噚日舉行，唔少政界人物都趁熱鬧「打卡」，當中西貢區議員方國珊好識「搶鏡」，成班人直頭拉埋banner、直幡現身... 詳情
【Emily】往來朗屏站大棠山道 「紅葉巴士」啓航
【明報專訊】秋冬之間係元朗大棠賞紅葉季節，港鐵特別開設紅葉巴士K66A，接載市民由朗屏站出發直達大棠山道睇楓香林。「鐵仔紅葉巴士」噚日朝早1... 詳情
【Emily】白內障術後 曾俊華跳入動畫教護眼
【明報專訊】前財政司長曾俊華原來幾個月前做過白內障手術，佢話呢件事令佢深深體會到健康視力嘅重要。佢指喺新冠疫情期間小朋友冇得返學，日日困喺屋... 詳情
港大校委本科生代表履新 推動重建學生會 「掣肘中追目標」
【明報專訊】香港大學近年經歷不少風浪。本月初當選、上周接任港大校委會本科生代表的戚由康，入學3年，見證評議會「感激議案」風波後有同學被控違反... 詳情
相關新聞
