【Emily】13項私人物業獲「最佳園林」金獎 屋苑科技護園林 出動航拍感應器
[2022.11.18] 發表
【明報專訊】康文署每兩年舉辦一次嘅「最佳園林大獎」因疫情延期，事隔4年回歸，噚日舉行2022年度頒獎禮，共有13項私人物業獲金獎。康文署總康樂事務經理(綠化運動)戴婉君話畀Emily聽，今年不少項目不單有特色園藝，仲喺園林設計及園藝保養上採用新技術，包括難度更高嘅「垂直綠化」、用航拍機勘察植物及傳感器監測樹木穩定等，仲話見到有屋苑使用傳感器監察樹木感到意外，指政府已大規模使用呢項技術，但私人物業始終面積小，料成本唔低，樂見環保與可持續發展成為一個趨勢。
Emily噚日同一個金獎項目代表傾過偈，映灣園獲「樓齡6年至21年以下」組別金獎及環保效益獎，代表團話一次攞兩個獎好榮幸，為落實集團環保同可持續嘅理念，佢哋呢兩年開始用好多具有環保元素嘅新技術，如濕度感應淋花系統、流動水缸、太陽能燈，仲展開「廚餘回收試驗計劃」等互動活動。
今年除金獎外，亦有36項獲優異獎和12項獲環保效益獎。今年共有212項私人物業獲提名，相較2018年嘅244項少咗13%，戴婉君話，參賽項目減少原因可能係唔少物業公司受疫情影響，難以分配足夠資源同時間參賽，希望2024年參賽項目數量可增加。
更多港聞
【Emily】框框轟轟颯颯砰砰 鄧炳強「多聲道」介紹裝甲車
【明報專訊】保安局長鄧炳強噚日喺facebook上載咗條片，介紹新一代國產裝甲車「劍齒虎」。鄧炳強話，全車車身精鋼製作，前後左右包埋玻璃都可... 詳情
【明報專訊】醫院管理局高層出現變動。噚日醫管局發言人公布，之前成日喺疫情430記者會解畫嘅醫管局總行政經理劉家獻調任，成為舂磡角慈氏護養院、...
詳情
【明報專訊】立法會選委會界別補選下月18日舉行，6名參選人雖仍待資審會確認資格，但已積極開工，噚日中聯辦主任駱惠寧有個解讀二十大報告精神嘅分...
詳情
【Emily】提升競爭力 建築業倡續推數碼化組裝合成
【明報專訊】政府正大力推進多個基建項目，建造業議會預計，香港嘅建築成本全世界排名第九，預計今年建造業成本或進一步攀升，噚日發布《改善建造業時... 詳情
相關新聞
