【Emily】收學生畫作放辦公室 陳國基：提自己青年係瑰寶
[2022.11.12] 發表
【明報專訊】陳國基上星期五(4日)去元朗出席民政及青年事務局舉辦嘅青年見面會，同大約40個高中生就「青年發展藍圖」交流。佢噚日喺facebook分享，話會後收到與會青年送上兩份「禮物」，其中有個中學生將當時佢同一眾中學生嘅合照畫成圖畫(圖)。陳國基話對呢個同學嘅心思、心機感到驚喜，已經將圖畫放喺辦公室，時刻提醒自己，青年係香港嘅瑰寶。
陳國基仲收到5個中學生嘅電郵，提到有機會同平日喺新聞見到嘅「大人物」溝通，學識要大膽表達想法、勇於發問同嘗試。陳國基認為青年喺成長過程總會遇到考驗同挫折，呢啲啟發對同學將來發展非常有用。佢仲話，當日同青年交流非常愉快，同學充滿正能量，希望能夠一直同佢哋聯繫。
更多港聞
【明報專訊】事隔3年，屬「M」品牌大型體育活動嘅國際香港壁球公開賽月底舉行，新增議員對賽環節，身為香港壁球總會主席嘅科技創新界立法會議員邱達...
詳情
相關新聞
