【Emily】警總紀念牆展殉職警名單
[2022.11.12] 發表
【明報專訊】警方噚日喺警察總部舉行儀式悼念因公殉職嘅警員，處長蕭澤頤同時宣布喺警政大樓3樓大堂嘅紀念牆正式竣工，370名喺第一次同第二次世界大戰期間離世，以及由1844至2021年殉職人員嘅名展示喺紀念碑上。蕭澤頤、輔警總監楊祖賜又聯同其他代表獻上花圈。
警方每年都會喺警察總部舉行警隊紀念日。蕭澤頤致辭時話，警隊自1844年成立，警員執勤經常身陷險境，生命受威脅，從不畏縮，憑住以民為本精神，竭盡所能保護市民生命同財產，維護香港嘅繁榮同穩定。佢向殉職人員致以最崇高敬意，因為佢哋克盡厥職，最終為執行職務而犧牲寶貴生命。
更多港聞
【明報專訊】事隔3年，屬「M」品牌大型體育活動嘅國際香港壁球公開賽月底舉行，新增議員對賽環節，身為香港壁球總會主席嘅科技創新界立法會議員邱達...
詳情
相關新聞
