【Emily】立法會議員加薪1.7% 月袋$104,880
[2022.10.27] 發表
【明報專訊】立法會議員人工每年按丙類消費指數調整，政府噚日提交文件上立法會，議員月薪將由103,130元增加到104,880元，加薪幅度約1.7%，醫療津貼亦有相應加幅，每年醫療津貼增至36,530元，加薪幅度比公務員嘅2.5%略低。立法會主席可享雙倍薪酬，即係加人工後，月薪由206,260元增加到209,760元，即每月加3500元。全部今年10月生效；任滿酬金為任內酬金總額15%嘅比例維持不變。
立法會代理主席兼內務委員會主席一向有1.5倍人工，現任內會主席係民建聯主席李慧琼，即加薪後，佢嘅月薪會由154,690元增至157,320元。而兼任行政會議成員嘅8個立法會議員，包括行會召集人葉劉淑儀、經民聯林健鋒等，按機制領取一般議員薪酬嘅三分之二，加薪後佢哋嘅議員薪酬每月係69,920元，連埋行會成員嘅薪酬85,130元，月薪都超過15萬元。時任特首林鄭月娥喺2020年因應新冠疫情提出問責官員凍薪，立法會議員都無跟隨，繼續按照機制加人工。
更多港聞
【Emily】民主黨消費券民調 一半人自覺經濟差過上年
【明報專訊】民主黨早排嘅調查發現，五成受訪者覺得自己嘅經濟狀况比上年更差，近七成人認為政府明年1月應該再派消費券。民主黨經濟政策發言人陳堡明... 詳情
【明報專訊】滬港經濟發展協會、嶺大潘蘇通滬港經濟政策研究所，聯同選委會界別立法會議員周文港噚日發布研究報告，分析本港建築業專才人力情况。滬港...
詳情
【Emily】「雙針齊下」 梁君彥：打咗唔使愁
【明報專訊】冬季流感高峰期將至，衛生署外展隊噚日到立法會為一眾議員接種流感疫苗，其中立法會主席梁君彥更「雙針齊下」，「左一針、右一針」同時打... 詳情
【明報專訊】中學全日返學門檻8月底預告收緊，至實施前的一周，教育局前日（25日）宣布暫緩安排，維持九成學生打兩針便可恢復全日課。有中學校長歡...
詳情
相關新聞
