【Emily】「雙針齊下」 梁君彥：打咗唔使愁
[2022.10.27] 發表
【明報專訊】冬季流感高峰期將至，衛生署外展隊噚日到立法會為一眾議員接種流感疫苗，其中立法會主席梁君彥更「雙針齊下」，「左一針、右一針」同時打第四劑新冠疫苗同流感疫苗，仲話「疫苗係一流，打咗唔使愁」。公務員事務局長楊何蓓茵、醫務衛生局正副局長盧寵茂同李夏茵亦有到場，呼籲市民打呢兩款疫苗。多名議員及官員仲將印有針筒嘅道具牌「拮」其他議員，擺甫士影相。
梁君彥話，噚日有約50名議員接種疫苗，佢認為新冠病毒同流感雙重夾擊下，大家都唔能夠掉以輕心，呼籲市民盡快打針。楊何蓓茵就話，50歲或以上市民如果想同時打新冠同流感疫苗，可以「兩針齊發」，又重申「一老一幼」嘅新冠疫苗接種率仍欠理想。
更多港聞
【明報專訊】中學全日返學門檻8月底預告收緊，至實施前的一周，教育局前日（25日）宣布暫緩安排，維持九成學生打兩針便可恢復全日課。有中學校長歡...
詳情
【明報專訊】上學年直資或公營學校教師流失率（臨時數字）分別達8.4%及7.5%，整體流失人數按年增加約七成。教育局昨書面回覆立法會議員表示，...
詳情
相關新聞
