【Emily】華仁籌款音樂會 校友李家超拍片祝賀
[2022.10.25] 發表
【明報專訊】香港華仁同九龍華仁兩間書院校友上周六、周日兩晚雲集尖沙嘴文化中心，出席華仁一家基金會嘅籌款音樂會。本身係九華校友嘅特首李家超去唔到，都有拍片祝賀校友師弟「good show」。
李家超喺片中話「華仁是一家，無論你係港華仔、我係九華仔，都係華仁仔」，一定支持華仁發展，見到華仁團結，師弟學有所成貢獻社會，自己就「無比喜悅」。佢又憶述，自己都有接受過成立基金會嘅狄恆神父言傳身教(狄恆神父係九華前校長)，好尊敬神父立己助人、服務社會嘅精神。
林定國：華仁精神即港人精神
音樂會有多個政界華仁仔表演同出席，例如港大醫學院前院長梁卓偉為《獅子山下》一曲伴奏。港華畢業嘅律政司長林定國(Paul)、陳浩濂，同九華畢業嘅副教育局長施俊輝、副勞福局長何啟明都有撐母校場。
Paul話，好感激母校栽培，相信華仁仔都同意華仁精神就係多元化，「不論背景，互相尊重、各展所長、包容共濟」，又話「華仁精神應該也是香港人精神」。
更多港聞
【明報專訊】本學年公營學校新聘教師要通過《基本法》測試，《施政報告》公布下學年起擴展至所有直資學校及「幼稚園教育計劃」的幼稚園。教育局昨交代...
詳情
【明報專訊】動漫SpyXFamily（《間諜家家酒》）的間諜「黃昏」為了完成國家任務，與殺手媽媽約兒和會讀心術的女兒安雅組成臨時家庭，互相隱...
詳情
相關新聞
