【Emily】愛樂樂團音樂會 康文署網頁可翻睇
[2022.10.25] 發表
【明報專訊】維也納愛樂樂團時隔11年後再度訪港，在香港文化中心音樂廳演出兩場音樂會，噚晚首場音樂會準時8時開始，座無虛席。由於門票供不應求，香港電台第四台和港台電視32，以及康文署網頁都有安排直播，畀買唔到飛嘅市民，可以與現場觀眾同步睇到呢隊殿堂級樂團嘅精彩演出。
噚晚首場音樂會，部分演奏嘅樂手戴住口罩演出，不過指揮法蘭茲•韋沙—摩斯特，同吹奏樂器嘅樂手就無戴口罩。除咗全程直播，康文署話今次兩場音樂會會放喺網頁4個星期(由11月上旬起)，畀愛樂者隨時重溫。翻查資料，維也納愛樂樂團於1959年首次訪港於利舞台演出，港台已安排現場直播，而樂團最近兩次(2006、2011年)訪港，都有通過港台喺戶外大屏幕作現場直播，以滿足買唔到飛嘅樂迷。
更多港聞
【Emily】華仁籌款音樂會 校友李家超拍片祝賀
【明報專訊】香港華仁同九龍華仁兩間書院校友上周六、周日兩晚雲集尖沙嘴文化中心，出席華仁一家基金會嘅籌款音樂會。本身係九華校友嘅特首李家超去唔... 詳情
【明報專訊】本學年公營學校新聘教師要通過《基本法》測試，《施政報告》公布下學年起擴展至所有直資學校及「幼稚園教育計劃」的幼稚園。教育局昨交代...
詳情
相關新聞
