【Emily】廠商會會董開金口 歌聲賀國慶

[2022.10.01] 發表

【明報專訊】唔同團體近日都舉辦慶祝國慶活動，中華廠商會聯合會(廠商會)一班會董會成員就用歌聲祝賀國慶，用普通話合唱中國電影《海外赤子》嘅插曲《我愛你，中國》，顧名思義主題係傳達對中國嘅熱愛，呢首歌仲成為中宣部2019年評定嘅「慶祝中華人民共和國成立70周年優秀歌曲100首」之一。

廠商會搵咗音樂人方樹樑重新編曲，話希望加強節奏感，仲搵埋廠商會中學嘅同學一齊合唱，但MV就唔見啲同學，主要係廠商會成員嘅錄音花絮、過去活動片段，部分成員亦去到馬場拍攝。

參與合唱嘅廠商會成員除咗會長史立德，仲有永遠名譽會長黃友嘉、施榮懷、吳宏斌，立法會議員吳永嘉同埋副會長黃家和等人。Emily一次過聽晒首歌，大部分都係合唱，而成日同太太唱歌嘅史立德，同埋夾過band嘅吳永嘉都有得獨唱呢！

更多港聞

【明報專訊】噪音惹人心煩，仲可能影響健康，環保署近年引入「便攜式聲學相機」，早前喺處理一宗投訴時迅速搵到噪音源頭，開頭以為係嚟自投訴人對面大... 詳情

【明報專訊】「新家園協會」同香港、廣州、澳門合共50多個團體噚日合辦《萬朵玫瑰賀國慶暨多元文化青年音樂會》，慶祝國慶，保安局長鄧炳強（台上右... 詳情