【Emily】「活力避風塘」迎月開放 將有「嘩啦嘩啦」載出海
[2022.09.03] 發表
【明報專訊】政府完成維園道銅鑼灣避風塘海濱嘅活化工程，設立「活力避風塘主題區」，噚日展出巨型傳統花牌(圖一)，仲有「期間限定」嘅中秋裝飾畀市民「打卡」，而主題區會喺下星期五(9日)迎月夜正式開放。主題區面積1.09萬平方米、長715米，Emily噚日搶先去睇睇，主題區用咗無欄杆嘅梯級設計，市民可以喺行人路行近海旁，無阻隔咁欣賞避風塘同維港景色。
政府仲美化埋原為「敬記船廠」嘅海濱長廊，保留咗一棵大榕樹，喺附近擺小食亭同攤位賣懷舊小食，市民仲可以帶埋寵物去添！主題區嚟緊會有3艘「嘩啦嘩啦」載市民穿梭避風塘，遲啲仲有導賞團等活動呢！
更多港聞
【Emily】鄧炳強做「找數真漢子」 請卓孝業食牛腩麵
【明報專訊】保安局長鄧炳強噚日喺facebook上載同副局長卓孝業嘅合照，相信係喺食肆食牛腩麵同飲奶茶。內文提到「工作剛搞掂，可以食碗麵。順... 詳情
【明報專訊】特首李家超下月中發表《施政報告》，民建聯港島東團隊上月11至26號喺區內收集1304個市民意見，選出十大最受關注嘅議題，當中最多...
詳情
相關新聞
