【Emily】大埔康體大樓停車場 月租都無得留位
[2022.09.01] 發表
【明報專訊】香港唔少駕駛者都面對泊位緊張問題，有人會選擇月租車位避免冇位泊車，不過喺大埔東昌街康體大樓嘅停車場，就因為月租不設留位，引起網民熱議。喺facebook有多個群組都有人討論，有網民質疑「滿場都唔係優先入場？咁仲(月)租來做咩？」、「咁我駛咩月租，時租得啦」。
網民：咁時租得啦 職員：好少爆滿
呢個停車由裕泊有限公司營運，上個月1日起啟用，有200個私家車車位、12個電單車位；根據運輸署手機應用程式「出行易」資料，噚日傍晚6點尚餘79個車位。Emily喺現場觀察，當眼處張貼咗兩張告示，寫明「為善用資源，月租不設留位，滿場時請排隊入場不作優先處理」。
Emily向停車場職員查詢月租唔留位嘅原因，對方話係公司政策，平時停車場好少爆滿；而上星期強烈熱帶風暴「馬鞍」吹襲香港，懸掛8號風球期間先至比較滿，有八至九成泊位都有車佔用。
更多港聞
【Emily】新思維黃俊瑯 話要同湯家驊個黨分手
【明報專訊】舊年立法會選舉時，新思維主席狄志遠同民主思路召集人湯家驊表明，兩黨會協調參選，避免撞區，湯家驊當時形容兩個黨係「拍緊拖」；事隔未... 詳情
【明報專訊】中大香港亞太研究所調查發現，更多受訪者話無支持任何政黨或政團，而且對兩大政治陣營嘅政黨政團表現都唔多滿意。中大於上月18日至27...
詳情
13歲仔連年跳級入港大 數理雖有天分「努力居多」
【明報專訊】13歲的劉鴻志去年在李兆基書院讀完中一跳級升讀中三，踏入新學年又跨過香港大學門檻入讀工學學士。雖然擁有數理天分，鴻志認為以努力形... 詳情相關新聞
