【Emily】區議員劉勇威留台侍親
[2022.09.01] 發表
【明報專訊】新冠疫情持續兩年幾，唔少人無得同親友團聚，大埔區議員劉勇威(圖)亦係其中一人，佢爸爸喺台灣養病多年，但礙於疫情，劉無得以旅客身分赴台探親，一直無見過爸爸，所以決定報讀台灣國立成功大學歷史學系研究院，以學生身分去寶島讀書，同時照顧埋屋企人，近日已抵埗。
報讀研究院照顧病父 稱一定返港
早前有讀者同Emily講，劉勇威已身處台灣，質疑佢完成咗區議員宣誓，但在任期間又去台灣讀書，點樣同時處理香港嘅工作，認為佢違反區議員操守。Emily搵到身在台灣嘅劉勇威，佢解釋今次係「短期離境」，因為家人病情日趨嚴重，先決定飛去台灣。佢並透露自己一直有讀書打算，所以索性報讀研究院。
至於香港嘅工作會點處理，劉勇威表明一定會返香港，現階段會先修讀一個學期，預計年底就會申請休學，未來再搵機會完成學業，仲話喺台灣期間雖然開唔到區議會，但亦會繼續辦事處嘅工作，希望街坊諒解。政府放寬咗檢疫措施，佢期望年底返港時可以唔使酒店檢疫，直接「0+7」。
更多港聞
【Emily】新思維黃俊瑯 話要同湯家驊個黨分手
【明報專訊】舊年立法會選舉時，新思維主席狄志遠同民主思路召集人湯家驊表明，兩黨會協調參選，避免撞區，湯家驊當時形容兩個黨係「拍緊拖」；事隔未... 詳情
【明報專訊】中大香港亞太研究所調查發現，更多受訪者話無支持任何政黨或政團，而且對兩大政治陣營嘅政黨政團表現都唔多滿意。中大於上月18日至27...
詳情
13歲仔連年跳級入港大 數理雖有天分「努力居多」
【明報專訊】13歲的劉鴻志去年在李兆基書院讀完中一跳級升讀中三，踏入新學年又跨過香港大學門檻入讀工學學士。雖然擁有數理天分，鴻志認為以努力形... 詳情
浸大App教中學生辨假新聞 學生參加工作坊：更願意舉報
【明報專訊】浸大兒童發展研究中心出版教科書《數碼時代的新聞「識讀」教育》，9月寄送到各中學，以及推出互動學習手機應用程式「智叻新聞初哥」，用... 詳情相關新聞
