【Emily】出書記「社區支持農業」30年發展 前記者走訪農場 寫菜裏人情
[2022.08.24] 發表
【明報專訊】近年多咗人關注本地農業，「香港農業3.0」團隊同前記者彭碧珊(阿珊)合作出版免費電子書《菜包裡的人情味——社區支持農業三十年》，走訪多個本地農場，記載1990年代到𠵱家，「社區支持農業」(Community-supported agriculture, CSA)呢個外國概念點樣引進香港同運作，令本地農夫嘅時令蔬果可以送到消費者手上。
「農三代」與團隊合作 電子書免費
本身係「農三代」嘅阿珊一直關注本地農業，佢同Emily講，電子書記錄咗14個主題故事，第一個正係記錄港版CSA點樣由南丫島嘅「農舍」做起，農舍喺1993年開始招募會員，供應有機菜畀社區，再同其他有機農場合作推廣概念。書中亦記錄咗一個前金融分析師喺2018年轉為全職農夫，建立會員制方式招募本地家庭預付買菜錢，作為農場經費嘅故事。阿珊話，遲啲會印刷出版，送畀有興趣嘅本地農夫。
成個計劃由農業持續發展基金贊助，阿珊話除咗出版免費電子書，令更多人了解社區同本地農業之間嘅聯繫之外，下一步希望聯絡對可持續發展有興趣嘅學校、企業等，合作搞活動，將計劃一直延續落去。
更多港聞
【明報專訊】警務處長蕭澤頤噚日新冠病毒快速測試呈陽性，要按照衛生防護中心指引隔離，警方話「一哥」最近一次上班係前日（22日），據知佢當日無出...
詳情
【Emily】指人才非靠搶 劉夢熊：夏寶龍堅決鬥爭「趕客」
【明報專訊】前全國政協劉夢熊噚日接受民主黨前主席劉慧卿嘅網台節目《議會內外》訪問，傾到人才流失嘅問題。特首李家超日前話，對於優秀人才香港「一... 詳情
【Emily】區議員獲贊助派夾萬 顏汶羽「加盟」乙組球會
【明報專訊】區議員經常向街坊派物資，月餅、口罩就常見，最近民建聯觀塘區議員張培剛就獻新猷，向街坊派夾萬。佢同Emily講，建築公司金門建築早... 詳情
【明報專訊】Emily早前報道過，立法會選委會界別議員梁毓偉家中飽受鼠患困擾，因為屋企附近有地盤，搞到佢屋企一個月內捉到六七隻老鼠。佢話收到...
詳情
相關新聞
