【Emily】自稱「留下來的人」 曾俊華9月起每周fb分享行蹤感想
[2022.08.22] 發表
【明報專訊】不經不覺曾俊華已卸任財政司長5年多，噚日佢喺facebook話，自己喺15年前上任，上任後20日寫咗第一篇網誌，形容當時心情緊張、興奮兼雀躍，對新崗位嘅挑戰充滿期待，同時又希望透過網誌同市民分享睇法，聽大家對各種問題嘅意見。如今曾俊華仍然活躍，經常喺fb講吓「不退不休」嘅生活經歷，佢噚日話由9月開始，會每周喺fb分享自己最近做過咩，出席過咩活動，有咩體會同感想。
曾俊華話，既然自己一直無停落嚟，不如多啲記錄所見所聞，於是扚起心肝做咗上述決定；佢並形容自己係「留下來的人」，所以非常願意擔當陪伴同聆聽角色，只要大家願意講，佢就願意聽大家講對身邊事物嘅睇法同心聲，仲話將來睇過佢fb嘅，「都係我老……友！」。
曾俊華2017年參選特首落敗後，並冇完全離開公眾視野，其間積極參與創科活動、推出「Choi Yeah NFT」、客串吓電視劇等。
更多港聞
【Emily】同心同根活動 青少年制服團隊步操有中有英
【明報專訊】為慶祝香港特區成立25周年，「同心同根會」噚日舉行首次大型活動，13個青少年制服團隊聯同7個紀律部隊青少年團體等，喺維園搞嘉年華... 詳情相關新聞
