【Emily】馬鞍山食水變黃 黃碧雲留言教「睇水」
[2022.08.01] 發表
【明報專訊】馬鞍山居民近日向區議員反映食水變黃，水務署話係錳含量稍高所致，居民擔憂食水安全。多年前曾跟進食水含鉛事件嘅民主黨黃碧雲都有關注情况，多次喺協助馬鞍山居民嘅沙田區議會主席麥潤培(麥仔)facebook留言，建議唔同做法以協助居民和要求水務署交代。佢又留言畀麥仔，話「監察食水安全，是長期的工作。加油」，麥仔回應話「我唔會白費你之前幫我哋嘅功勞」。
麥仔連日喺fb更新區內食水情况，噚日提到區內「黃水愈來愈嚴重 水務署未給各管理公司指示」。碧雲留言話，自己唔會飲黃水，如果食水顏色突變或渾濁，都唔好飲，建議立即要求水務署派水車入邨，如有擔心，就攞水辦畀實驗室驗一驗，睇吓有冇重金屬或其他有害物質，認為單睇食水嘅渾濁度，似乎都唔合格。
碧雲又建議各屋苑放水清洗水缸，但水務署都要解釋啲水點解咁渾濁，質疑係咪濾水廠出事，攪起缸底嘅沉積物，提出叫水務署派人解畫。
碧雲連日熱心畀意見，有網民留言話「講食水安全 黃碧雲真係食水先驅」。
更多港聞
【Emily】房屋局長發帖介紹副局、政助 何永賢讚前記者歐陽文倩「清新」
【明報專訊】新一屆政府問責官員中有新有舊，新任房屋局長何永賢噚日喺facebook發帖，介紹副局長戴尚誠同政治助理歐陽文倩。何永賢同戴尚誠相... 詳情
【明報專訊】香港明德會噚日舉辦首屆「十大傑出大學生選舉」開幕典禮，香港明德會會長李尚仁話「我哋（選舉）同其他唔同，唔會淨係臨尾present...
詳情
相關新聞
