【Emily】城巴雙層電動巴 最快6?19行5B線
[2022.06.11] 發表
【明報專訊】巴士迷注意，繼九巴16部單層電動巴士啟用後，城巴新巴引入嘅全港首架雙層電能巴士，亦會正式投入服務，若獲運輸署批准，頭班車會喺今個月19日中午12點，由東院道香港大球場巴士總站出發，全程車費4.2元。雙層電巴首階段試行來往大球場同堅尼地城嘅城巴5B線3個班次，之後就會返柴灣城巴車廠充電。
呢款電能巴士載到113人，全車有79個座位，但由於下層車尾位置裝咗兩個大電池，所以載客量比一般柴油巴士少33人。至於車上配備，除咗有USB充電插頭同免費4G Wi-Fi上網，亦新增恆溫冷氣系統同遮光簾，Emily噚日試坐後，發現車程較一般巴士安靜，少咗引擎聲。現階段嘅電能巴士，充電3個鐘頭最多可以行200公里，每一個來回車程需充電30分鐘。
城巴新巴話，除咗柴灣城巴車廠有充電站，港鐵香港站巴士總站、中環渡輪碼頭同啟德郵輪碼頭都會安排由政府資助嘅中途充電站，預計今年第四季起投入服務。
更多港聞
【明報專訊】任期即將屆滿嘅市區重建局行政總監韋志成，噚日再獲政府續任3年，換言之，佢嘅累積任期有望長達9年，唔單止橫跨三屆政府，仲可以做埋歷...
詳情
【明報專訊】香港賽馬會董事局有人事變動，馬會噚日宣布，梁高美懿因年屆70歲退任，並獲邀出任名譽董事；其董事局成員空缺，會由行政會議召集人陳智...
詳情
相關新聞
