【Emily】陳智思獲邀入馬會董事局
[2022.06.11] 發表
【明報專訊】香港賽馬會董事局有人事變動，馬會噚日宣布，梁高美懿因年屆70歲退任，並獲邀出任名譽董事；其董事局成員空缺，會由行政會議召集人陳智思(Bernard)填補。馬會主席陳南祿歡迎陳智思加入董事局，話佢備有傑出豐富公職同社會服務經驗，喺商界表現卓越，將為董事局帶嚟裨益。
Bernard喺1989年成為馬會會員，2015年成為遴選會員。馬會新聞稿提到，Bernard長期從事公職同社區服務，現時係香港社會服務聯會主席、香港故宮文化博物館主席、M+博物館主席同大館文化藝術有限公司主席，同時亦係港區全國人大代表。
梁高美懿退任 獲邀做名譽董事
陳南祿亦感謝梁高美懿，讚揚梁太熱愛賽馬運動，擁有豐富銀行業同公職經驗，喺馬會除咗出任競駿會有限公司主席，亦參與多個委員會工作，包括賽馬事務委員會、會員事務委員會同審計委員會等，多年來為馬會作出寶貴貢獻。
更多港聞
相關新聞
