【Emily】路署話「臨時圍網」有耗損 政總天橋換鐵網髹粉裝
政府總部外行人天橋噚日(7日)已換上新圍網,連天橋上蓋都髹上粉紅色。(讀者提供)
金鐘政府總部外行人天橋自3年前反修例風波後,加設鐵絲圍網,前日(6日)晚上所見,有工人拆除圍網。(讀者提供)
【明報專訊】2019年反修例風波後,政府同港鐵分別喺全港多區嘅公眾行人天橋加設鐵絲網,話係基於公眾安全理由,防止有人向主要幹道拋擲雜物,所以呢幾年大家行天橋,都被重重鐵網圍住。最近Emily路過金鐘政府總部外天橋,見到有工人拆走天橋嘅鐵網,以為終於可以「重見天日」,但翌日再行經天橋,發現換咗新鐵絲網,天橋上蓋仲髹上粉紅色。
七一回歸日臨近,盛傳國家主席習近平會訪港,唔知天橋換鐵絲網同上新色係咪與此有關?Emily問過路政署,工程同回歸紀念有冇關,署方回覆話因為近日巡查金鐘政府總部外行人天橋時,發現於2020年初加設嘅臨時圍網出現耗損,安排承建商更換。問到更換工程嘅開支,署方話工程係天橋日常維修保養工作一部分,費用已包括喺天橋恒常維修保養嘅開支中。
政府喺2019年底開始於天橋加設臨時圍網,至於呢個「臨時」圍網幾時可以永久拆除,路政署話,有關工程安排係政府集體決定,政府會適時檢視,並考慮各方面因素,決定係咪繼續實施。
【明報專訊】民主黨前主席胡志偉因「35+初選案」被還押,立法會社福界前議員邵家臻噚日去到荔枝角收押所同志偉見面。佢話15分鐘嘅探訪,好似「學...
詳情
【明報專訊】政府架構重組正喺立法會審議,早前獲人事編制小組委員會表決通過,並通過建議財委會毋須討論、直接表決。財委會喺星期五處理架構重組項目...
詳情
【明報專訊】2020年每日堆填區接收2300多公噸廢塑膠,信和集團與本地初創企業EcoBricks攜手推出突破性解決方案,將廢塑膠再造成環保...
詳情
【明報專訊】前新聞統籌專員馮煒光前日喺網媒撰文,分享佢在任時嘅經歷。佢話,新聞統籌專員應善用影像為特首服務,為此佢向政府新聞處「借將」,但當...
詳情
【明報專訊】中西區區議員彭家浩留意到山市街扶手電梯一帶斜路,喺雨天期間不時有途人因為滑倒而受傷,而山市街扶手電梯上蓋嘅支柱基底仲係四邊形尖角...
詳情