【Emily】東涌生態海岸線 種紅樹林現「新鄰居」

東涌生態海岸線試點內嘅岩石生態磚，凹凸不平嘅表面喺潮退時可儲起海水降溫，亦提供合適環境畀潮間帶物種依附喺生態磚生長同繁殖。（發展局圖片）

（圖二）

【明報專訊】發展局長黃偉綸噚日喺網誌分享土木工程拓展署嘅「紅樹種植計劃」。土拓署早前喺東涌東新市鎮擴展區，設置長約3.8公里嘅全港首條生態海岸線，包括透過種植紅樹林同設置生態磚，提高生物多樣性。

網誌提到，可持續大嶼辦事處喺東涌東擴展區建造長約4.9公里海堤，當中包括總長約3.8公里嘅生態海岸線，透過模仿天然潮間帶嘅生態環境，提升生物多樣性。團隊因應地理、潮汐等因素設置3種生態海岸線，包括紅樹林、岩石或直立式嘅生態磚，代替昔日水泥建造嘅人工海堤。項目團隊之前邀請東涌小學生種植紅樹苗，紅樹苗之後會被移植到生態海岸線。

土拓署團隊表示，喺生態海岸線試點嘅紅樹生長情况理想，亦發現多種「新鄰居」，如彈塗魚、銳齒招潮蟹、粒花冠小月螺(圖二)等。網誌話，紅樹林海岸線既可綠化環境，亦可阻擋海浪冲擊或侵蝕海岸線，為海洋生物提供棲息地，紅樹嘅落葉碎屑亦係好多無脊椎動物同魚類嘅食糧。黃偉綸話，東涌新市鎮擴展計劃嘅填海工程進度理想，強調除咗房屋同商業發展，當局亦重視保育現有天然生態同可持續發展。

更多港聞

【Emily】減碳MV改編莫扎特名曲 李慧詩擔正

【明報專訊】噚日係「世界環境日」，環境局推出音樂短片，宣揚減碳信息同呼籲各界投入低碳生活。短片由「碳中和」宣傳大使、港隊單車代表李慧詩擔任主... 詳情

【Emily】馬會教大簽備忘 為騎師鋪路進修

【明報專訊】賽馬會噚日喺沙田馬場舉行「見習騎師學校五十周年賽馬日」，喺開賽前分別同香港教育大學、香港運動醫學及科學學會、廣東體育職業技術學院... 詳情

3年幼園兩年無校園生活 難見同學交友 升小生焦慮 搣手指噩夢頻

【明報專訊】新冠疫情令學生錯過在校園學習的時光。幼稚園K3幼兒3年來僅得約1年時間在校學習，有家長稱，第五波疫情期間女兒長期困家避疫，變得「... 詳情

4月復課後11學生自殺 專家憂考試季惡化

【明報專訊】學生精神健康備受關注，港大防止自殺研究中心總監葉兆輝昨日出席商台節目《政好星期天》時稱，今年1至3月沒有學童輕生，但當4月一復課... 詳情

浸大中醫藥學院院長 獲選歐洲科學院院士

【明報專訊】浸大中醫藥學院院長呂愛平（圖）獲歐洲科學院選為2022年度外籍院士，他的研究主要集中於中醫藥的轉化研究，包括為類風濕關節炎的病症... 詳情