【Emily】阿人促「結果為目標」 最低工資加至50
[2022.06.01] 發表
【明報專訊】最低工資前後4年維持時薪37.5元，新一輪檢討公眾諮詢噚日截止，前職工盟主席李卓人身在獄中，但心繫打工仔；人哥facebook小編日前話，人哥聽收音機得知消息，寫意見書畀最低工資委員會。佢質疑最低工資水平一直被壓抑，失去拉近貧富懸殊功能，疫情下凍結最低工資，更令基層工人受雙重打擊，必須立即提升最低工資至不少於50元，日後一年一檢。
人哥提出應該立即檢討低資會運作模式，話低資會過往運作令最低工資水平長期被壓抑，低資會強調根據數據釐定最低工資，完全漠視基層工人透過調升最低工資而改善生活嘅需要，失去透過最低工資拉近貧富懸殊同解決在職貧窮嘅功能。
倡立即檢討低資會運作模式
人哥話，已解散嘅職工盟強調最低工資應提升至基層工人足以養家餬口嘅水平，形容呢個要求「甚為卑微」，如果連呢點都做唔到，「還能奢談什麼『共同富裕』的宏願嗎？」佢反問政府同低資會又係咪做到以「結果為目標」，達到最低工資夠養家嘅結果。
更多港聞
【Emily】警隊5「警募大使」 3有內地背景
【明報專訊】警方4月調整投考警隊資格，包括取消居港滿7年要求，有15人因此符合資格並考上咗，包括4個見習督察、6個警員同5個輔警。警方上月喺... 詳情
【明報專訊】1972年6月18日，九龍秀茂坪同港島寶珊道分別發生嚴重山泥傾瀉，造成過百人死。今年係「六一八」山泥傾瀉事件50年，土木工程拓展...
詳情
相關新聞
