【Emily】好賞嘟遍千店 商戶自助推廣
[2022.05.28] 發表
【明報專訊】八達通4月推出「好賞嘟獎賞計劃」，市民只要喺八達通App參與「好賞嘟」，將八達通卡連結至「好賞嘟」，用八達通買嘢就可以自動賺電子印花或獎賞，例如喺譚仔雲南米線、 譚仔三哥米線堂食或外賣惠顧滿30蚊，就可獲「三餸或以上米線減$5」電子優惠券一張。「好賞嘟」已覆蓋全港超過1000個零售點，商戶可以自己喺八達通App設計推廣活動，用自助嘅電子平台推廣。
八達通上年都推出咗「一嘟撐里小店推廣計劃」，揀選特色小店，幫佢哋推廣，大約800間店舖參與，最後入選嘅約100間。八達通卡有限公司營業及市務總監李玉兒噚日話，「本地小店」嘅條件係無開多過3間分店，同埋會睇啲產品係咪有特色，希望幫到啲資源少嘅小店，仲預告嚟緊會有新一輪畀小店參與。
更多港聞
相關新聞
