【Emily】郭榮鏗做番本行 紐約開律師樓 話「移民定移居who cares」 惹CY反駁
[2022.05.04] 發表
【明報專訊】公民黨法律界前議員郭榮鏗(Dennis)舊年離開香港後，比較多時間喺大學研究中國喺國際同區域影響力嘅議題，佢噚日宣布自己做番老本行，喺紐約第五大街同3個美國律師開律師行，主打國際貿易及涉中國營商糾紛嘅法律問題。由於Dennis無紐約律師資格，會以顧問身分幫手，同時處理有關國際人權嘅法律議題。
做顧問 主打在華營商糾紛等
Dennis喺facebook話，好感恩可以繼續做法律工作，又話紐約嘅租金比中環同金鐘平，如果香港人經過，「歡迎上嚟搵我飲杯咖啡」。唔少民主派同昔日公民黨友如陳淑莊、梁嘉善、劉珈汶等都留言恭喜佢。長居加拿大嘅人民力量前議員陳偉業就留言話「記得嚟溫哥華搵我食飯！」
Dennis喺帖文中不點名話「移民定移居who cares」、「慳啲啦」，引來提出「港人移居論」嘅前特首梁振英還擊。梁振英喺fb反駁話，郭榮鏗係大律師，對移民或移居法律概念應該清楚，又繼續不點名批評當年政改爭議，質疑「有些人揣着明白裝糊塗」。
更多港聞
【Emily】新聞App連發23「異常信息」 TVB報警
【明報專訊】無綫新聞TVB NEWS流動應用程式（App）噚日零時發出多個推送通知信息（push），內容包括以簡體字寫嘅「李家超見記者」、「... 詳情
【明報專訊】特首唯一候選人李家超由辭職到參選過程比較趕，坊間市民對於佢嘅個人背景，除咗中學讀九龍華仁書院、讀書交齊功課、長年當差之外，所知唔...
詳情
相關新聞
