【Emily】專收少數族裔方艙 巴國新聞都有報 「方艙俠扭蛋機」復活節出動
[2022.04.18] 發表
【明報專訊】洪水橋社區隔離設施(又稱方艙醫院)早前轉為專門接收少數族裔患者，有15名少數族裔設施助理，以便同操不同語言嘅非華裔入住者溝通；設施內有放置少數族裔用品嘅儲物室，裏面包括可蘭經、伊斯蘭教信眾嘅食物等。近日連巴基斯坦電視台Dunya TV都有報道。
報道引述九龍清真寺暨伊斯蘭中心總教長穆光明到訪設施，並感謝工作人員對教眾嘅貼心照顧，片段入面仲有一直爭取為穆斯林教徒提供適切安排嘅民建聯立法會議員林琳，佢哋連同平機會委員一行人，11號就去到洪水橋社區隔離設施參觀。
另外，社區隔離設施人員近日密鑼緊鼓，用營內嘅剩餘物資，製作咗一部「方艙俠扭蛋機」，想喺噚日復活節為入住者帶來驚喜！噚日呢部扭蛋機正式登場，佢以紙皮製成，下半身貼有復活蛋、兔仔等應節圖案，由工作人員帶領住，畀入住者抽出驚喜禮物。
更多港聞
【明報專訊】唯一特首參選人李家超繼續競選活動，噚日用視像形式見立法會議員，雖然連提名都未正式確認，有唔少議員已經恭喜佢獲得過半選委提名。行政...
詳情
【明報專訊】移民英國嘅香港公共醫療醫生協會前會長馬仲儀喺醫學期刊分析本港第五波新冠疫情點解咁嚴重，指除咗醫療系統長期不勝負荷，仲包括疫苗猶豫...
詳情
【Emily】顏汶羽囝囝患川崎症 每次抽完血變樹熊
【明報專訊】民建聯立法會議員顏汶羽上年成為新手爸爸，𠵱家阿仔約9個月大，原來BB喺上年立法會選舉前入咗醫院，留醫咗成個月。顏汶羽噚日喺fa... 詳情相關新聞
