【Emily】獄中過生日 陳皓桓Ciao歌詞贈牆外人
[2022.04.05] 發表
【明報專訊】前民陣召集人陳皓桓(Figo)因前年七一遊行案正在服刑，前日係佢26歲生日，其facebook交代佢嘅近况，引述Figo話知道新冠疫情嚴重，佢喺牆內無中到招，叫大家放心。佢又話自己有保持運動，食橙吸收多啲維他命C，亦希望大家都健健康康。
Figo透過fb話，收到各位寄畀佢嘅信，多謝大家嘅關心，想送RubberBand首歌Ciao畀大家：「說了再見 約定再見 就會再見」。唔少人留言，祝Figo「生日平安」。
民主派35＋初選案被告之一鄒家成亦發表獄中信，提到最近聽到兩首歌頗為感動，分別係泳兒嘅《葉落冰川》同鄧小巧嘅《兩種語言》。佢話呢段日子冇探訪，加上「釘倉」(獨立囚禁)，孤獨係佢被迫面對其中一個最大嘅課題，佢話一切事物逐漸凋零，就讓大家一同學習好好呼吸、好好照顧自己、好好對待至親、好好離別，成為更好嘅人，「重逢那天，我們就是亮透北極的光」。
更多港聞
【Emily】反修例中槍「熊仔餅」再入院瘦到40幾公斤
【明報專訊】2019年11．11大三罷，被稱為「熊仔餅」嘅周柏均（圖）喺西灣河中槍，之後經常進出醫院，佢前晚就喺facebook講近况 ，透... 詳情相關新聞
