【Emily】快將通車 東鐵過海段有救援演習
[2022.03.24] 發表
【明報專訊】東鐵線過海段預計6至7月通車，屆時火車乘客可以坐車直達港島。港鐵噚日凌晨就有聯合緊急救援演習，測試列車發生事故時嘅各項應變措施同乘客疏散程序，消防處同警務處都有參與演習，機電署、運輸署同路政署有派員視察。演習模擬一列列車由紅磡站開往新建成嘅會展站途中，一名乘客嘅行李突然冒煙，列車喺差唔多同一時間亦唔好彩失去動力，並喺兩個站之間嘅隧道停低，車上「乘客」喺車站職員帶領下，由列車安全疏散至路軌，沿隧道步行至會展站，獲救嘅「受傷乘客」就被帶往安全位置接受治理。
港鐵車務營運及本地鐵路總管黃琨暐話，今次聯合演習係為咗測試各主要緊急應變部門，喺緊急情况下能有效協調及溝通，確認各主要應變部門就東鐵線過海段通車都準備就緒，確保乘客同鐵路員工安全，通車前仍然會有更多演習同測試。
更多港聞
【明報專訊】全港學生正提前放「暑假」，當局原擬在假期徵用部分學校作全民強檢的檢測中心，惟近日政府宣布暫緩推行全民強檢，被問到「有意見質疑白白...
詳情
相關新聞
