【Emily】再出發大聯盟購裝備 送醫護保安清潔員
[2022.03.24] 發表
【明報專訊】建制派近期日日動員，向市民派發防疫物資。香港再出發大聯盟總召集人梁振英(CY)話，疫情嚴峻，大家需要本着「人人為我，我為人人」嘅精神，全力支持及配合社會各項防疫抗疫工作。大聯盟發放相片，見CY檢視各項用作派發嘅抗疫物資。大聯盟話，喺CY統籌下，第一時間大量採購抗疫裝備，包括快速檢測包、成人面罩、防護衣等，向前線醫護、清潔及保安人員送上支援。
百欣慈善基金噚日亦向醫管局捐出物資。基金會話，經與相關人員了解需求後，基金採購咗包括護手乳液、清熱冲劑飲品及維他命C軟糖。物資將會透過醫管局轄下嘅屯門醫院，派發畀唔同部門嘅前線人員。
新民黨噚日就喺大埔搞疫苗接種活動，主席葉劉淑儀及常務副主席黎棟國到場打氣。葉太話，近日打疫苗嘅人有輕微下降趨勢，相信係唔少市民需待接種下一劑疫苗嘅數月「過渡期」，佢話政府及民間需勸喻未曾接種嘅人盡快打針，保障市民大眾健康。
更多港聞
【Emily】人員流水式執物資包 民政署：模擬片
【明報專訊】特首林鄭月娥日前宣布本周內開始向全港住戶派發「防疫服務包」，前日facebook專頁「公務員secrets」流傳一條相信係公務員... 詳情
【明報專訊】建制派提議多時嘅全民強制檢測「暫緩」，特首林鄭月娥星期一喺抗疫記者會話，仍然向政府施壓要做全民強檢嘅人要「反思」，惹嚟建制派內部...
詳情
【明報專訊】特首林鄭月娥噚日喺早上11時記者會，回應政府專家顧問梁卓偉提出本港要揀「動態清零」定「走向風土病」，話抗疫工作唔係路線之爭。梁卓...
詳情
相關新聞
