【Emily】林鄭：無親自向民建聯朋友投訴
[2022.03.12] 發表
【明報專訊】民建聯星期二去信特首林鄭月娥，質疑特區政府只派出局長級代表同來港協助抗疫嘅國家衛健委新冠疫情專家組組長梁萬年對接工作，同晚發聲明話發現與事實不符，向林太「鄭重道歉」。網媒「香港01」早前報道，林太收信後親自致電民建聯主席李慧琼投訴，林太噚日喺記者會否認，澄清「無親自向民建聯嘅朋友投訴」、亦無接觸過任何民建聯成員，反而李慧琼親自向佢致歉，佢回覆對方「毋須介懷」。
林太噚日為民建聯解畫，話可能民建聯查證後，發現忘記咗政府3月4日曾發新聞公告，交代佢同梁萬年舉行座談會。佢同李慧琼講毋須介懷，因為呢個可能反映唔係好多人睇政府新聞公布。林太話，若日後民建聯朋友就政府工作有任何疑問、不清楚，可向特首辦查詢。佢認為，唔需要提升至行政立法關係，強調同每個政黨嘅交往都好坦誠。
稱李慧琼親自道歉 覆「毋須介懷」
李慧琼同Emily講，多謝關心，暫時無補充喇。
更多港聞
【明報專訊】運輸署前日出稿，話即使疫情嚴峻，仍然向市民提供牌照服務。署長羅淑佩噚日喺facebook話，𠵱家walk-in服務停止，櫃位服...
詳情
【Emily】楊潤雄借「常委騙案」sell教材 劉國勳自薦演出
【明報專訊】民建聯立法會議員、北京市政協委員劉國勳早兩日遇上懷疑WhatsApp騙案，有自稱「中聯辦王秘書長的傳話人」問佢對「常委」一職有冇... 詳情相關新聞
