【Emily】楊潤雄借「常委騙案」sell教材 劉國勳自薦演出
[2022.03.12] 發表
【明報專訊】民建聯立法會議員、北京市政協委員劉國勳早兩日遇上懷疑WhatsApp騙案，有自稱「中聯辦王秘書長的傳話人」問佢對「常委」一職有冇興趣，叫佢轉帳50萬元做服務費，劉國勳前日報警求助。教育局長楊潤雄噚日借用呢件事，喺社交平台介紹教育局嘅價值觀教材，包括青少年如何提防騙案。楊潤雄話騙徒手法層出不窮，連立法會議員也遇到懷疑「電騙」，學生留喺屋企可能會用更多時間上網，呼籲家長同教師多關心學生，提醒佢哋小心網上陷阱同引誘，特別係毒品、色情同電騙等。劉國勳仲留言自薦可以喺教材演出。
更多港聞
相關新聞
