【Emily】 田北辰兩會提案：杜絕職場酒桌文化 打擊風水測股
[2022.03.07] 發表
【明報專訊】全國人大及政協會議喺北京舉行，港區全國人大代表、立法會議員田北辰請咗假無上京，但都交咗10個提案，包括要杜絕職場飲酒及性侵文化、打擊風水預測股市走勢等。
田北辰話上年8月，阿里巴巴一個女員工被強制安排出差、灌酒，之後仲稱畀當地商戶猥褻同直屬上司侵犯，但公司唔理，最後被迫喺公司餐廳派發傳單控訴，引起極大社會關注。佢覺得職場性侵害係社區及公司組織必須切除嘅毒瘤，亦認為必須嚴厲杜絕「酒桌文化」嘅不良作風，建議要由官員以身作則，遏制靠飲酒先可以做生意嘅錯誤思想，亦要規定企業需要喺員工企業手冊列明禁止任何強行勸酒、陪酒等唔尊重個人意願嘅行為。
田二少又見到報道話，唔少證券商用風水預測股市走勢，佢覺得咁樣唔科學，話用天干地支、五行術數等做毫無根據嘅分析，只會帶來莫大風險同巨大損失，建議嚴厲打擊。
更多港聞
【Emily】 施榮懷服「清瘟」 話翌日開始退燒
【明報專訊】兩會喺北京召開，但多名人代及政協要喺深圳坐檢疫或隔離監，無得上京，包括政協施榮懷。民建聯立法會議員劉國勳就隔空慰問，阿施正於深圳... 詳情
【明報專訊】新冠疫情持續，全港學校最快今日（7日）起放「暑假」至4月尾。香港大學昨日公布4月提供多種線上學習支援，包括由學生大使與教育學院的...
詳情
相關新聞
