【Emily】 施榮懷服「清瘟」 話翌日開始退燒
[2022.03.07] 發表
【明報專訊】兩會喺北京召開，但多名人代及政協要喺深圳坐檢疫或隔離監，無得上京，包括政協施榮懷。民建聯立法會議員劉國勳就隔空慰問，阿施正於深圳嘅醫院接受治療，望落都幾精神，佢仲話病發當晚有發燒、鼻水，立即服用帶備嘅連花清瘟膠囊 ，翌日開始退燒。阿施仲話，自己拆開膠囊中嘅藥粉冲水，覺得效用更好。
阿施同劉國勳講，經歷過染疫更明白患者嘅徬徨，話物資能為病人提供精神上最基本支援，好支持劉國勳搞緊嘅抗疫專線，知道佢哋求助眾多，物資消耗快；由佢領導嘅香港北京交流協進會，會贈送快測包、口罩及連花清瘟膠囊等物資，畀劉國勳轉贈有需要嘅人。
秘書中招 聶德權快測無事
另外，公務員事務局長聶德權再有身邊嘅人確診，其新聞秘書噚日新冠病毒檢測呈陽性，最近一次返工日期喺3月4日。該局話聶德權每日都有做快速測試，結果均為陰性。聶太上月確診，聶德權好彩無事，喺3月3日先至完成家居檢疫，重返辦公室工作。
更多港聞
【明報專訊】新冠疫情持續，全港學校最快今日（7日）起放「暑假」至4月尾。香港大學昨日公布4月提供多種線上學習支援，包括由學生大使與教育學院的...
詳情
相關新聞
