【Emily】「飲水太多」 財爺記招行開咗

財政司長陳茂波（中）喺預算案記者會舉行超過一半時突然離開會場，現場收音聽到佢同鄰座嘅財庫局長許正宇（右）講「Chris你幫手，我去一去……」，然後小跑出去。圖為財爺返回會場，佢回應話自己「飲得太多水」。（林勵攝）

【明報專訊】財政司長陳茂波噚日上晝宣讀《2022/23財政預算案》，下晝出席記者會，有兩段小插曲。陳茂波首度以視像形式宣讀預算案，去到中段網絡好唔穩定，聲音窒窒吓，立法會主席梁君彥需要打斷財爺發言，表示因為線路好似有問題，要請工作人員檢查，宣布暫停會議10分鐘處理。其間選委會界別議員陳曼琪撳咗「舉手」掣，梁君彥以為佢要提出規程問題，陳澄清係撳錯掣。會議前後暫停約15分鐘，復會後財爺嘅網絡連接明顯改善。

宣讀財案網絡窒 會議暫停10分鐘

「中場休息」情况喺下晝實體舉行嘅預算案記者會再現。PC開咗約50分鐘時，陳茂波突然想企起身，向門口指一指，現場支咪收音聽到財爺細聲同鄰座嘅財經事務及庫務局長許正宇講咗句「Chris你幫手，我去一去……」，然後急步離開會場。新聞官當時話陳茂波要入去飲水，PC中斷約5分鐘，陳茂波返回並表示唔好意思。佢之後被問到離場原因，解釋係因為記者會前「飲得太多水」。

議員也「甩轆」 吳秋北忘記開咪

唔止財爺，下晝各黨派議員舉行由立法會秘書處支援嘅網上記者會時同樣有「甩轆」。其中民建聯陳勇發言時開唔到鏡頭，用咗幾分鐘處理；工聯會吳秋北回應記者提問時忘記開咪，記者只見其口形、不知內容，其他議員提醒不果，最終由黨友麥美娟協助回應。

更多港聞

【Emily】休息區增熱食 消防為救護員加油

【明報專訊】近日因為有大量與新冠疫情相關個案召喚救護服務，令救護人員疲於奔命。消防處話，明白救護同事每日面對龐大嘅救護服務需求，未有足夠時間... 詳情

【Emily】警察學院投訴警察課加入前線抗疫

【明報專訊】政府近期總動員應對第五波新冠疫情，執行抗疫工作嘅包括警員，警務處長蕭澤頤最近就拍咗條片為同事打氣。「一哥」話，明白警隊同事協助抗... 詳情

【Emily】監倉爆屎渠 快必呼叫袁國勇

【明報專訊】正因「35+初選案」同其他案件還押嘅人民力量前成員譚得志（快必），其facebook專頁噚日更新佢嘅近况。因應新冠疫情，懲教署日... 詳情

【Emily】麥美娟快測初陽

【明報專訊】繼民建聯黃俊碩後，工聯會麥美娟（Alice）噚日朝早快速檢測呈初步陽性，係第二個立法會議員中招；至於佢日前提交嘅深喉唾液樣本，就... 詳情

【Emily】梁家傑64歲牛一 引《獅子山下》歌詞

【明報專訊】公民黨主席梁家傑前日（22日）64歲牛一，佢前晚喺facebook多謝大家嘅生日祝福，並上載自己切生日蛋糕嘅相（圖），又引用《獅... 詳情