【Emily】梁家傑64歲牛一 引《獅子山下》歌詞
[2022.02.24] 發表
【明報專訊】公民黨主席梁家傑前日(22日)64歲牛一，佢前晚喺facebook多謝大家嘅生日祝福，並上載自己切生日蛋糕嘅相(圖)，又引用《獅子山下》嘅幾句歌詞——「人生中有歡喜 難免亦常有淚/我哋大家 在獅子山下相遇上/總算是歡笑多於唏噓/同處海角天邊 攜手踏平崎嶇/我哋大家 用艱辛努力寫下那/不朽香江名句」。
佢前一段時間，講起公民黨踏入創黨第16個年頭，有啲感觸，話眼見昔日同路人，要不就身陷囹圄，要不就成為「俊傑」，有份摧毁香港固有價值和制度。佢話公民黨喺呢次驚濤駭浪中何去何從，成為幾百個黨友和支持者關注嘅焦點議題。
傑哥話，既然議會之路暫時行不通，自然應該喺公民社會中繼續馳騁，公民黨需要時間處理轉型工作，亦話希望可以同港人攜手喺黑暗隧道中前行，等待漆黑過後必定出現嘅黎明曙光。Emily喺度祝傑哥生日快樂。
更多港聞
時事點對點：Uber Eats停運 外賣員促遣散補償
【明報專訊】新聞撮要 外賣送餐平台Uber Eats於2021年12月底撤出香港，服務業總工會自由工作者分會主席王師樂稱，工會收到最少... 詳情
相關新聞
