【Emily】前區佬曾振興移英借宿捲糾紛
[2022.02.14] 發表
【明報專訊】屯門區前區議員曾振興(圖)去年8月移居英國，日前網上流傳指佢獲當地港人提供免費居所，但佢一家破壞屋內物品未有賠償。曾振興向Emily表示，屋主借出一間房畀佢一家居住，承認居住時有造成損毁，網上流傳嘅「立據」同對話紀錄屬實，不過強調一直願意負責同賠償。
被指拒賠住屋損毁
曾振興稱一直願賠
對話紀錄顯示，曾振興自稱銀行戶口只有300英鎊，無力賠償維修費用。而「立據」由曾振興簽名，話願意賠償屋內嘅損毁同作出一切合理行動，持據人可追討相關金額。
對話稱戶口剩300鎊無力賠
曾振興同Emily講，感謝屋主借出房間，雙方一直未能就賠償範圍同金額達成共識，屋主喺農曆新年時突然話毋須賠償，佢嘗試聯絡對方，但未獲回覆。
帖文指控曾振興無送女兒返學，佢解釋本來雙方協議1月前搬走，屋主喺12月中突然要求佢兩日內「消失」，結果女兒無法繼續返學，不過有向學校請假。至於自稱戶口只有300英鎊，曾振興話只係指流動現金，目前已搵到工作，收入尚算穩定，足以應付一家開支。佢表示仍會就事件聯絡屋主，希望可以順利解決。
更多港聞
【明報專訊】立法會前議員邵家臻日前同Emily反映，有家屬希望當局唔好「一刀切」，暫停在囚者親友探訪嘅安排，覺得在囚者嘅基本權利無得到保障。...
詳情
【Emily】質疑外傭中環聚集 議員籲放假留家唞
【明報專訊】呢幾日新冠個案每日逾千，選委會界別立法會議員江玉歡同新民黨李梓敬分別喺facebook上載相片或片段，質疑中環有外傭聚集。江玉歡... 詳情
【明報專訊】連日嚟新冠疫情每日個案過千宗，唔少建制派「逆行」為市民打氣。經民聯主席盧偉國噚日則繼續喺facebook教煮餸，介紹新春意頭菜「...
詳情
相關新聞
