【Emily】葉劉：沒法參與政府抗疫乾着急
[2022.02.08] 發表
【明報專訊】本港確診數字屢創新高，新民黨立法會議員葉劉淑儀周末就去咗布力徑行山，仲喺facebook上載自己喺健身設施拉筋嘅相。葉太話疫情嚴峻，佢已取消出席所有非必要嘅群聚活動，選擇行山舒展筋骨，保持身心健康。佢話好多市民都愛行山，所以每逢周末，港島幾乎每條行山徑都好熱鬧。
身兼行政會議成員嘅葉太話，佢只係特首其中一名顧問，作為議員亦無法直接參與政府抗疫工作，有時只能乾着急，喺屋企亦難免發愁，但佢每日都密切留意住政府嘅抗疫工作，會多諗對策。葉太認為，最基本嘅責任係好好保護自己同身邊人免受感染，所以新民黨亦安排職員編更輪流返工，減少人聚，又話行山時留意到吊鐘花盛開，預示寒冬即將過去，相信疫情同樣終會過去。
更多港聞
相關新聞
