【Emily】沙田車公廟初二求籤再閉門
[2022.01.29] 發表
【明報專訊】沙田鄉事委員會每年農曆年初二都會舉辦車公誕求籤活動，為香港同沙田區求籤。因應疫情，今年將連續第二年取消由麒麟引領入廟嘅安排，其他防疫措施大致同舊年相若，包括求籤活動喺公眾開放時間前舉行，由早上7時至7時45分，亦唔會開放公眾參與，只限受邀請嘉賓、工作人員同傳媒等參與，並限制主殿同戶外廣場嘅人數上限，分別40人同100人，場內亦會實施單向人流管制。
活動參與者要全程戴口罩，體溫高於攝氏37.5度者可能被拒絕入場，參與者入場時要掃描安心出行、在場內保持1.5米距離。今年要進入主殿嘅參與者，要持有活動前48小時內嘅新冠病毒檢測陰性報告，較去年要72小時內嘅檢測報告更嚴謹。另外，警方喺車公廟實施人流管制同封路，詳請可瀏覽警方fb專頁。
更多港聞
【明報專訊】第五波新冠病毒疫情未受控，睇嚟都會陪香港人踏入虎年，「點新聞」噚日喺疫情記者會問衛生署會唔會為喺竹篙灣檢疫中心過年嘅市民準備新年...
詳情
【Emily】「新裝」會議室 梁君彥：溫暖莊重
【明報專訊】建築署長何永賢噚日到立法會大樓，視察過去半年為第七屆立法會完成嘅多項改善工程。同何永賢一齊視察嘅立法會主席梁君彥喺faceboo... 詳情相關新聞
