【Emily】曾法新社工作 Miss Mo想睇番法文書
[2022.01.28] 發表
【明報專訊】因民主派「35+初選案」還押嘅立法會前議員毛孟靜(Miss Mo)，喺獄中善用時間咪書，仲話想趁機重拾法文。Miss Mo同去探佢嘅前議員邵家臻講，中學時已經有學法文，大學繼續學，法文程度足以令佢可以去法新社工作，直至1991年離開，之後暫停咗30年法文。Miss Mo喺獄中無練習對手，唯有自己同自己講。Miss Mo仲話，如果有人送啲法文書入去畀佢就唔錯。
Miss Mo繼續還書債，話早排收到樞機(喺facebook中無提到名字)送畀佢嘅生日禮物，係兩本俄國小說巨著、杜斯妥也夫斯基嘅作品《罪與罰》及《卡拉馬助夫兄弟們》，成塊磚頭咁厚，呢兩本書都係講善惡交戰和愛恨交結。阿臻上次去探Miss Mo，Miss Mo隔窗送飛吻，今次就派韓式心心手勢。
阿臻日前亦探過同還押嘅立法會前議員范國威(Gary)，以前搞設計嘅Gary即展示老虎圖畫作。佢話上年呢個時候，Gary應該喺街頭為將軍澳街坊畫畫，而就算人在囹圄，畫仍然畫落去。
更多港聞
「直接錄取」首屆 63校未申 有中學倡提供課程名額參考
【明報專訊】首屆「學校推薦直接錄取計劃」（下稱計劃），讓具特殊才華及興趣學生有機會於取得文憑試（DSE）成績前已獲大學破格取錄。計劃上月初截... 詳情
【明報專訊】教育局長楊潤雄昨在網上專欄「局中人語」撰文稱，去年已就檢討幼稚園教育計劃（計劃）發布報告，整體運作暢順，並講述近期推出多項改善計...
詳情
相關新聞
