【Emily】國泰機組檢疫酒店 房卡「有入冇出」 葉太視察 稱近民居無奈接受
[2022.01.18] 發表
【明報專訊】太古城嘅東隅酒店下月至7月底成為國泰航空機組人員指定檢疫酒店，新民黨立法會議員葉劉淑儀噚日同太古城居民去咗酒店視察。葉太噚日喺facebook話，酒店管理人員向佢解釋將來檢疫嘅機組人員由專車接送，佢哋嘅房卡只用到一次，入咗房隔離就唔出得嚟，入住樓層嘅𨋢會封鎖，連樓梯都有警報系統，加上走廊佈滿閉路電視，令機組人員隔離時唔可以進出其他樓層。
稱有議員蒐簽名反對 葉太：無用
葉太話收到大量投訴，有酒店附近居民質疑點解檢疫酒店要選址太古城正中心，亦有居民擔心如果機組人員用過嘅牀單冇徹底消毒，酒店可能「播毒」。佢引述東隅酒店管理人員話，希望以上措施可以做到滴水不漏，令太古城同鄰近嘅居民安心。葉太話考察後覺得檢疫酒店設備幾完善，但選址太近民居，只能無奈接受；又唔點名話知道有議員收集簽名反對，「但其實此舉根本毫無作用」。
更多港聞
【明報專訊】立法會聽日（19日）召開大會，首兩項議員議案都係由新民黨議員提出，分別係黎棟國提出嘅「嚴防新型冠狀病毒病輸入、全方位阻止擴散、盡...
詳情
【明報專訊】9月升小一及參與升小「統一派位」（俗稱大抽獎）的學生家長，須於周六（22日）及周日（23日）辦理選校手續。升小適齡人口下降，教育...
詳情
相關新聞
