【Emily】港鐵虎年賀年套裝 復刻第一代車票
[2022.01.11] 發表
【明報專訊】港鐵推出限量版「虎年賀年車票」套裝，除咗重現喺1986年推出嘅第一代虎年車票，並重新演繹當年設計，將老虎栩栩如生呈現。港鐵話，套裝包括兩張車票、1個票套同8個利市封，其中一張車票將車站嘅經典元素，即係馬賽克藝術融入第一代虎年車票嘅設計(左)，藉以回顧同展望歷來車票套裝嘅發展；另一張車票係第一代虎年車票嘅復刻版(右)，由已退休嘅公司總美術設計主任吳文炳設計。
吳文炳分享當年設計理念時話，為與顧客同賀新歲，當時繪畫嘅老虎有別於一般坊間兇猛霸氣嘅形象，而係以和平友善同喜樂方式展現虎姿，係善而不猛嘅老虎。
車票套裝本月15日起發售，每套100元，每人每次限購最多兩套，乘客可於大年初一當日憑票無限次搭港鐵。車票使用後可留為紀念。
更多港聞
【明報專訊】教大宗教教育與心靈教育中心提倡貫通不同學科推行生命及價值觀教育，早前經比賽徵集超過350份前線教師的教案。其中基督教香港信義會信...
詳情
相關新聞
