【Emily】警方開微信 賀「中國人民警察節」
[2022.01.11] 發表
【明報專訊】噚日係「中國人民警察節」，香港警方喺噚日正式推出「香港警察」微信官方帳號，仲上載咗一條警務處長蕭澤頤嘅短片，「一哥」話「今日(噚日)是中國人民警察節，讓我們向為人民服務的警察致敬」，並呼籲大家關注「香港警察」微信帳號。
微信帳號仲上載咗一篇警察公共關係科總警司郭嘉銓嘅專訪，郭sir喺訪問中話，中國人民警察節係國家特別為人民警察隊設立嘅節日，香港警察「與有榮焉」，希望藉此機會推出微信帳號向內地同袍致敬。佢話香港有380萬微信用戶，好多內地來港求學同工作嘅人都用，希望透過微信宣傳防罪防騙資訊，介紹警隊工作，提高警隊透明度。「香港警察」微信官方帳號係繼YouTube、facebook、Instagram、twitter同微博後，香港警察第6個開設嘅社交媒體帳號。
更多港聞
【Emily】港鐵虎年賀年套裝 復刻第一代車票
【明報專訊】港鐵推出限量版「虎年賀年車票」套裝，除咗重現喺1986年推出嘅第一代虎年車票，並重新演繹當年設計，將老虎栩栩如生呈現。港鐵話，套... 詳情
【明報專訊】教大宗教教育與心靈教育中心提倡貫通不同學科推行生命及價值觀教育，早前經比賽徵集超過350份前線教師的教案。其中基督教香港信義會信...
詳情
相關新聞
